Ահաբեկչական Յարձակում Մը Կը Ցնցէ Պոսթընը. Երկու Պայթումներ` Պոսթընի Մարաթոնին Ընթացքին.
8 Զոհ Եւ Տասնեակ Մը Վիրաւորներ:
11 սեպտեմբեր 2000 թուականի ահաբեկչական յարձակումները յիշեցնող իրադարձութեամբ մը, երէկ
Միացեալ Նահանգներու Պոսթըն քաղաքի մարաթոնին ընթացքին, մարաթոնի եզրագիծին մօտ քանի
մը երկվայրկեաններու տարբերութեամբ տեղի ունեցան երկու ահաբեկչական պայթումներ: Հազարաւոր
հանդիսատեսներու եւ մարզիկներու մասնակցութեամբ տեղի ունեցած մարաթոնին ընթացքին պատահած
պայթումները խլեցին 8 զոհ եւ պատճառեցին տասնեակ մը վիրաւորներ: Երէկ կէս գիշերին «Սի.
Էն. Էն.» պատկերասփիւռի կայանը հաղորդեց, որ զոհերուն թիւը երկու է, իսկ վիրաւորներունը`
100-է աւելի: Պոսթընի ոստիկանութիւնը ձերբակալեց վիրաւոր սէուտցի մը, որ կը կարծուի
ահաբեկչական յարձակման կասկածելիներէն մէկը ըլլալ: Ան փոխադրուեցաւ հիւանդանոց եւ ապահովական
խիստ հսկողութեան տակ առնուեցաւ: Պոսթընի պայթումը պատճառ դարձաւ, որ Նիւ Եորքի մէջ
ապահովական միջոցառումները աւելի խստանան: Նախագահ Պարաք Օպամա հրահանգեց պայթումներուն
հետ կապուած համապատասխան միջոցառումներ որդեգրելու: